16സെപ്തംബര്‍2009 - വീണ്ടും വേട്ട???
Wednesday
വേട്ട
കാത്തിരിക്കും എട്ടുകാലിയല്ല ഞാന്‍
മരത്തിന്റെ ചുവട്ടില്‍ വലവിരിച്ചു
കാത്തിരിക്കുമൊരു വേടനുമല്ല
നീ ഓടുന്ന വഴിയില്‍ തന്നെ
നിനക്കായി കരുതിയ അമ്പുകളുമായി
ഞാന്‍ പായുന്നത് നീ കാണുന്നില്ലേ ?
-കാപ്പിലാന്‍.
ലക്ഷ്യം...........
....ഒരു വേട്ടക്കരനു വേണ്ടതും ലക്ഷ്യമാണ്. എയ്തുകൊള്ളിക്കണ്ടത് എവിടെ എന്നു മാത്രം നിശ്ചയിക്കുക,
അല്ലതെ മറ്റൊന്നും ഓര്‍ക്കരുത് ആലോചിക്കരുത് ഇരയുടെ മുന്‍-പിന്‍ കാലം ആലോചിച്ചാല്‍,
അമ്പുകൊണ്ടാല്‍ അല്ലങ്കില്‍ വേട്ടയാടപ്പെട്ടാല്‍
ഇരയുടെ മനോഗതി ഇവയോക്കെ ചിന്തിച്ചാല്‍ ലക്ഷ്യമില്ലാത്ത വേട്ടയാവും...
വെറും ഒരു ഗോഗ്വാ വിളി.
വേട്ടക്ക് പോയി തിരികെ വന്ന് മൂരിയിറച്ചി വാങ്ങി കഴിക്കാം....
-മാണിക്യം.
ഓസോണ്‍പാളിക്ക്‌ പുതിയ ഭീഷണി
ഓസോണ്‍ശോഷണത്തിലെ പുതിയ വില്ലന്‍ കാലാവസ്ഥാവ്യതിയാനമെന്ന്‌ റിപ്പോര്‍ട്ട്‌. ഇന്ന്‌ ഓസോണ്‍ ദിനം. ഓസോണ്‍പാളി നേരിടുന്ന ഭീഷണി നേരിടാന്‍ ക്ലോറോഫ്‌ളൂറോകാര്‍ബണുകളുടെ (സി.എഫ്‌.സി.കള്‍) വ്യാപനം തടഞ്ഞതുകൊണ്ട്‌ മാത്രം ആയില്ല. ആഗോളതാപനം വഴി ഭൂമിക്ക്‌ ചൂടുപിടിക്കുന്നത്‌ അന്തരീക്ഷത്തിലെ വാതകപ്രവാഹങ്ങള്‍ക്ക്‌ മാറ്റമുണ്ടാക്കുന്നുവെന്നും, ഓസോണ്‍പാളി ശിഥിലമാകാന്‍ അത്‌ കാരണമാകുമെന്നും പുതിയൊരു പഠനം മുന്നറിയിപ്പ്‌ നല്‍കുന്നു...
-ജെ എ.
ഒറ്റ വാക്കില്‍ ഒതുങ്ങില്ല ഒരു ജീവിതം
ചോദ്യങ്ങള്‍ ഒരേ ഗൈഡില്‍ നിന്നു തന്നെ പകര്‍ത്തി എന്ന് കണ്ടുപിടിക്കപ്പെട്ട് പല പി.എസ്.സി പരീക്ഷകളും റദ്ദാക്കപ്പെട്ടു കൊണ്ടിരിക്കയാണ്. പി.എസ്.സി നടത്തുന്ന പരീക്ഷകളെ സംബന്ധിച്ച് ചില വിചാരങ്ങള്‍
കേരളാ പബ്ലിക്ക് സര്‍വ്വീസ് കമ്മീഷന്‍ സമീപകാലത്ത് നടത്തിയ രണ്ട് പരീക്ഷകളാണ് ഒരേ തരത്തിലുളള ആരോപണത്തിന് വിധേയമായത് (എച്ച്. എസ്സ്. എ ഫിസിക്കല്‍ സയന്‍സും അപ്പെക്‌സ് സൊസൈറ്റികളിലെ ക്ലാര്‍ക്കും). അതില്‍ ഒരു പരീക്ഷ റദ്ദാക്കിക്കഴിഞ്ഞു. മിക്കവാറും മറ്റെതിന്റേയും ഗതി അതുതന്നെയായിരിക്കും. ഒരേ ഗൈഡില്‍ നിന്ന് ക്രമനമ്പറും എന്തിന് തെറ്റായ ഉത്തരങ്ങള്‍ പോലും മാറാതെ തുടര്‍ച്ചയായി ഇരുപത്തി അഞ്ചോളം ചോദ്യങ്ങള്‍ പകര്‍ത്തി എന്നതാണ് ചോദ്യപേപ്പറിനെക്കുറിച്ചുണ്ടായ ആരോപണം. തൊണ്ടിസഹിതം മാധ്യമങ്ങള്‍ സംഭവം പുറത്തുകൊണ്ടുവന്നു. സമാനമായ നിരവധി സംഭവങ്ങള്‍ കേരള പി.എസ്.സി യുടെ ചരിത്രത്തില്‍ മുമ്പും ഉണ്ടായിട്ടുണ്ട്. ഓരോ പരീക്ഷ റദ്ദാക്കപ്പെടുമ്പോഴും ആ പരീക്ഷയ്ക്കു വേണ്ടി ആയിരക്കണക്കിന് ഉദ്യോഗാര്ത്ഥികള് അനുഭവിച്ച കഷ്ടപ്പാടുകള്‍, നഷ്ടപ്പെടുത്തിയ ഉറക്കങ്ങള്‍, ചെയ്ത യാത്രകള്‍ എന്നിവയൊന്നും ചോദ്യപേപ്പര്‍ തയ്യാറാക്കിയവരെയോ പി.എസ്.സിയെയോ അലോസരപ്പെടുത്താറില്ല. തൊഴിലന്വേഷകരുടെ ഹൃദയഭാരം ഒരു സര്‍ക്കാര്‍ വകുപ്പിനെ സംബന്ധിച്ചിടത്തോളം ഏറ്റവും പരിഗണന കുറഞ്ഞ ഒന്നാണല്ലോ....
-പ്രേമന്‍ മാഷ്.
ബ്ലോഗായണം - ബ്ലോഗിന്‍റെ യാത്ര
“ഒരു ദലം മാത്രം വിടര്‍ന്നൊരു ചെമ്പനീര്‍ മുകുളമായി നീയെന്റെ മുന്നില്‍ നിന്നുതരളകപോലങ്ങള് നുള്ളിനോവിക്കാതെ തഴുകാതെ ഞാന്‍ നോക്കി നിന്നൂ”
ഈ വരികള്‍ കേള്‍ക്കുമ്പോള്‍ നിങ്ങളുടെ മനസില്‍ ഉണരുന്ന വികാരം എന്തെന്ന് എനിക്കറിയില്ല.ഇത് പാടിയ ആളെ ആണോ അതോ മറ്റ് വല്ല രംഗങ്ങളുമാണോ നിങ്ങളുടെ ഓര്‍മ്മയില്‍ വിരിയുന്നതെന്നും എനിക്ക് അറിയില്ല.പക്ഷേ എന്‍റെ മനസില്‍ തല പൊക്കുന്ന ഒരു രൂപമുണ്ട്, 'ഒരു ദലം മാത്രം വിടര്‍ന്നൊരു ചെമ്പനീര്‍', എന്നൊരു പോസ്റ്റ് എഴുതിയ ബ്ലോഗറുടെ രൂപം.ആ രൂപം എനിക്ക് വിശദീകരിക്കാന്‍ കഴിയുന്നില്ല, കാരണം ആ രൂപത്തിന്‍റെ, അല്ലെങ്കില്‍ ആ ബ്ലോഗറുടെ പേര്‌ 'മുണ്ഡിത ശിരസ്കന്‍' എന്നാണ്..
ഈ രൂപം ഞാന്‍ എങ്ങനെ വിശദീകരിക്കും??
ഒരു ചുള്ളിക്കാടന്‍ സന്തോഷം
-മാണിക്യന്‍
ദൈവത്തിന്റെയും ദൈവങ്ങളുടെയും സ്വന്തം നാടായ കേരളത്തില്‍ ഏറ്റവുമധികം വില്പനയുള്ളതെല്ലാം ” മ ” എന്ന അക്ഷരത്തില്‍ തുടങ്ങുന്നവയാണ് .മലയാളികള്‍ക്ക് ” മ ” എന്ന അക്ഷരത്തോട് ഇത്രയധികം പ്രിയം എന്താണ് എന്നറിയാന്‍ ഒരു ഗവേഷണം തന്നെ നടത്തേണ്ടി വരും . ബ്ലോഗിലെ ഭാക്ഷാപടുക്കളെ ഈ കാര്യത്തില്‍ പ്രതെയ്കം ക്ഷണിക്കുന്നു .
മതം , മദ്യം , മദിരാശി , മയക്കുമരുന്ന് , മന്ത്രി , മന്ത്രം , മ പത്രം /വാരിക , സിനിമയിലെ സൂപ്പര്‍ താരങ്ങള്‍ മമ്മൂട്ടി ,മോഹന്‍ലാല്‍ , മണി തുടങ്ങിയവരും ഈ മകാരങ്ങളില്‍ പെടും . എന്നാല്‍ ഇത് കൂടാതെ മദ്യ കേരളത്തില്‍ ഏറ്റവുമധികം വിറ്റഴിക്കുന്ന മറ്റൊരു വസ്തുവാണ് മരുന്ന് . എന്നാല്‍ ഏറ്റവും കൂടുതല്‍ സ്നേഹിക്കുന്ന സ്വന്തം അമ്മയെ മറ്റ് ഭാക്ഷക്കാര്‍ മാ എന്ന് ഹിന്ദിയും മാം അല്ലെങ്കില്‍ മദര്‍ എന്ന് ഇംഗ്ലീഷ്കാരും തായ്‌ എന്ന് തമിഴനും വിളിക്കുമ്പോള്‍ നമ്മള്‍ “അ ” എന്ന അക്ഷരം ചേര്‍ത്തു അമ്മേ എന്ന് വിളിക്കുന്നു .
-കാപ്പിലാന്‍.
ഓരോ അടി വരുന്ന വഴിയെ
സംഭവം പത്തു ഇരുപത്തൊന്നു കൊല്ലം മുന്‍പാണ് ട്ടോ. നാല് വയസ്സ് ഒണ്ടെന്നു തോന്ന്ന്നു അന്ന് എനിക്ക്. കുഞ്ഞായത് കൊണ്ട് ഒറ്റയ്ക്ക് വീടിന്റെ വേലിയ്ക്ക് പുറത്തേക്കു പോവാന്‍ അനുവാദം ഇല്ല. പുറത്തു പോയിട്ട് കാര്യമായി ഒന്നും ചെയ്യാന്‍ ഇല്യതോണ്ട് ഞാന്‍ ശ്രമിക്കാറും ഇല്യ. വേലിക്ക് അകത്തു ഞാന്‍ അങ്ങനെ രാജാവായി ആമോദത്തോടെ വസിക്കുന്ന കാലം. തീറ്റിയുടെ കാര്യത്തിലും അന്ന് ഒരു അങ്കം തന്നെ ആയിരുന്നു . നാല് നേരം മെയിന്‍ കോഴ്സ് കൂടാതെ, നിക്കറിന്ടെ പോക്കറ്റില്‍ എപ്പോഴും കപ്പലണ്ടിയോ....ഉപ്പേരിയോ
ഒക്കെ ഉണ്ടാവും.... ഊണിലും ഉറക്കത്തിലും കളിയിലും എല്ലാം ഒരു കയ്യ്‌ ഇടയ്ക്ക് വലത്തേ പോക്കറ്റിലേക്കും അവിടുന്ന് വായിലേക്കും സഞ്ചരിച്ചു
കൊണ്ടേ ഇരിക്കും....
-കണ്ണനുണ്ണി.
അത്ഭുത കിണര്‍
കിണര്‍ കുഴിക്കുന്ന രംഗം
ഞങ്ങളുടെ നാട്ടില്‍ ഈ അടുത്ത് കുഴിച്ച കിണറിന്‍റെ ചിത്രങ്ങളാണ് ഇത്.രണ്ടു സഹോദരങ്ങളാണ് ഇതിനു പിന്നില്‍. ഒരു ബോര്‍ വെല്ലിനേക്കാള്‍ അല്പം വിസ്തൃതി കൂടും. ഒരാള്‍ക്ക് കഷ്ടിച്ച് ഇറങ്ങാന്‍ കഴിയുന്ന സ്ഥിതിആണ് ഉള്ളത്. മണ്ണ് എങ്ങിനെ പുറത്തെടുക്കും എന്നെല്ലാം നാട്ടുകാര്‍ക്ക്‌ അത്ഭുതമായിരുന്നു...
-തിരൂര്‍കാരന്‍.
അവസ്ഥാന്തരങ്ങളില്‍
എപ്പോഴും ഓര്ക്കണേയെന്ന്പിന്നെയും പിന്നെയും ഓര്‍ക്കുമ്പോഴേക്കും
മറന്നു പോവുകയാണ്
എന്നെക്കുറിച്ചും നിങ്ങളെക്കുറിച്ചും.
ഇരിക്കുമ്പോള്‍ കിടക്കണമെന്നും
കിടക്കുമ്പോള്‍ എഴുന്നേല്‍ക്കണമെന്നും
മനസ്സുകൊണ്ടോടിയെത്തുമ്പോഴേക്കും
പലവഴി ചിതറുമോര്‍മ്മകള്‍,
തലച്ചോറ് വരെ എത്ര നടന്നിട്ടുമെത്താതെ
തളര്‍ന്നു കണ്ണടക്കും.
...........
പകല്‍കിനാവന്‍.
സത്യം പോസ്റ്റുമാര്‍ട്ടം ചെയ്യപ്പെടുമ്പോള്‍
രാത്രിയുടേയോപകലിന്റേയോ മറവില്‍
ജനിച്ചു
കണ്ടിട്ടും
കാണാപ്പുറങ്ങളില്‍
ജീവിച്ചു
................
-വഴിപോക്കന്‍.
ചീഞ്ഞുപോയ ഒരു കണ്ണിനുള്ളില്‍
ഭാവിയെ ഷൂട്ട് ചെയ്യാവുന്നപുതിയതരം ക്യാമറ
ഇന്നലെ വാങ്ങി.
മാര്‍ക്കറ്റിലിറങ്ങും മുമ്പെ
ബുക്ക് ചെയ്ത് കാത്തിരുന്നതിനാല്‍
കിട്ടിയ പാടേ ടെറസില്‍ക്കേറി
ടില്‍റ്റും വൈഡും ഇണക്കി
മുന്നാക്കം പിന്നാക്കം
മേലേ കീഴെ നീക്കി
കൈത്തഴക്കം കണ്ടെത്തി
...............
ശിവപ്രസാദ്.
മഞ്ഞുവീട്ടില്...
സുതാര്യമായ ചില്ലുഭിത്തികളുള്ള
ഒരു തുഷാര ഗൃഹം....
അവിടുത്തെ പളുങ്കലമാരികളില്
ലോകത്തിന്നുവരെ എഴുതപെട്ട
സുന്ദരമായ കവിതകളെല്ലാം
ഒരു ശലഭോദ്യാനത്തിലെന്നപോലെ
സംരക്ഷിക്കപെട്ടിരുന്നു....
................
താരകന്.
0 comments:
Post a Comment